Skjöl úr fyrra ferli
Tillaga Skipulagsstofnunar að viðauka við Landsskipulagsstefnu 2015–2026 var afhent umhverfis- og auðlindaráðherra vorið 2021. Ráðherra lagði hana fram sem þingsályktunartillögu á Alþingi í apríl sama ár en hún hlaut ekki afgreiðslu á 151. löggjafarþingi 2020–2021. Þingsályktunartillöguna og upplýsingar um meðferð málsins á Alþingi er að finna hér.
Í tillögunni var sett fram stefna um loftslagsmál, landslag og lýðheilsu í tengslum við framkvæmd skipulagsmála. Þær áherslur sem þar voru settar fram fléttuðust með ýmsum hætti saman við viðfangsefni Landsskipulagsstefnu 2015-2026 sem samþykkt var á Alþingi árið 2016 og tekur til skipulagsmála á miðhálendinu, í dreifbýli og þéttbýli og á haf- og strandsvæðum. Tillagan fól einnig í sér viðbætur við gildandi landsskipulagsstefnu varðandi skipulag haf- og strandsvæða.
Tillagan var afraksturs viðamikillar undirbúningsvinnu sem fram fór á árunum 2019–2021 og fól í sér ítarlegt samráð og fjölbreytt greiningarverkefni. Nálgast má tillögu Skipulagsstofnunar auk helstu gagna sem urðu til við mótun hennar hér fyrir neðan. Rík áhersla var lögð á gegnsæi við mótun tillögunnar og reglulega í ferlinu var leitað eftir ábendingum og hugmyndum almennings og hagsmunaaðila, auk þess sem Skipulagsstofnun stóð fyrir morgunfundaröð um viðfangsefni tillögunnar.
Hér er að finna helstu skjöl sem urðu til við mótun stefnunnar.
Tillaga til þingsályktunar
Tillaga Skipulagsstofnunar til ráðherra
- Tillaga Skipulagsstofnunar að viðauka við Landsskipulagsstefnu 2015–2026
- Umhverfismat viðauka við Landsskipulagsstefnu 2015–2026
- Umsögn Skipulagsstofnunar um framkomnar athugasemdir við auglýsta tillögu
- Yfirlit yfir stefnu og áætlanir stjórnvalda
Auglýst tillaga að viðauka landsskipulagsstefnu
- Tillaga að viðauka við Landsskipulagsstefnu 2015-2026
- Umsagnir og athugasemdir við auglýsta tillögu að viðauka við landsskipulagsstefnu 2015-2026
Greining forsendna og fyrirmynda
- Landslag á Íslandi - flokkun og kortlagning landslagsgerða á landsvísu - Unnið af Eflu verkfræðistofu og Land Use Consultants í Skotlandi fyrir Skipulagsstofnun.
- Lýðheilsa og skipulag – Samantekt vegna mótunar landsskipulagsstefnu um lýðheilsu. Unnin af Matthildi Kr. Elmarsdóttur hjá Alta fyrir Skipulagsstofnun.
- Loftslagsaðgerðir í skipulagi þéttbýlis, forsendugreining fyrir viðauka við landsskipulagsstefnu – Fyrirlestur Halldóru Hrólfsdóttur hjá Alta á morgunfundi um loftslagsmál og skipulag í þéttbýli.
- Kolefnisspor landnotkunar – Minnisblað um losun gróðurhúsalofttegunda vegna landnotkunar. Unnið af Stefáni Gíslasyni hjá Environice fyrir Skipulagsstofnun.
- Landslag og vindorka – Samantekt vegna mótunar landsskipulagsstefnu um landslag. Unnin af Matthildi Kr. Elmarsdóttur hjá Alta fyrir Skipulagsstofnun.