Samráðsvettvangur

Samráðsvettvangur er sérstakur vettvangur sem Skipulagsstofnun getur leitað til um ábendingar og tillögur um mótun  landsskipulagsstefnu. 

IMG_2624_minni_2

Um samráðsvettvang

Aðilar á samráðsvettvangi fá sendar upplýsingar svo sem þegar nýtt efni er gefið út og um kynningar- og samráðsfundi. Samráðsvettvangur um mótun landsskipulagsstefnu er stofnaður í samræmi við reglugerð um landsskipulagsstefnu. Allir geta verið aðilar að samráðsvettvanginum en þar eiga aðild m.a. fulltrúar sveitarfélaga og samtaka þeirra, fulltrúar opinberra stofnanna, fyrirtækja sem sinna uppbyggingu og rekstri grunngerða svo sem samgangna og orkuflutninga og samtaka á sviði atvinnuvega og náttúru- og umhverfisverndar.

Sérstakur samráðsvettvangur um framfylgd landsskipulagsstefnu 2015-2026

Til að stuðla að góðri upplýsingamiðlun og samráði við framfylgd landsskipulagsstefnu hefur verið myndaður samráðsvettvangur, sambærilegur þeim sem starfræktur var við mótun landsskipulagsstefnu. Aðilar á nýjum samráðsvettvangi verða upplýstir reglulega um framfylgd stefnunnar og framvindu einstakra framfylgdarverkefna. 


Hægt er að skrá sig á samráðsvettvanginn með því að senda tölvupóst á landsskipulag@skipulag.is.